Mtra. Emilia Zuza eskolan, azaroaren 25ean, Indarkeria Matxistaren Aurkako Eguna, ospatu dugu jarduera bereziekin. Ikasle eta irakasle guztiak beltzez jantzita etorri gara, eta Lehen Hezkuntzan lazo moreak ere erabili ditugu errespetuaren eta berdintasunaren alde.
Eguna pankartak, tximeletak mezu positiboekin, ipuinak, dantzak, eta “Erre zenituzten sorgiñak” eta “Matxote” kantak abestuz bete dugu. Gainera, 6. mailako ikasleek bertsoak bota dituzte gai honekin lotuta.
Oso egun berezia izan da, eta eskolak berdintasuna eta indarkeriaren aurkako mezua indartu du. Eskerrik asko parte hartu duzuen guztioi!
